Dhulikhel Eco Banner new

कालंगा हाइड्रोको वैदेशिक नेपाली लक्षित आईपीओ बाँडफाँट

२५ हजार आवेदक भाग्यमानी

3.55K
shares

काठमाडौं । कालंगा हाइड्रो लिमिटेड ले वैदेशिक रोजगारीमा रहेका नेपालीहरूका लागि जारी गरेको प्राथमिक सेयर (आईपीओ) बाँडफाँट प्रक्रिया सम्पन्न गरेको छ। कम्पनीले चैत १० देखि १५ गतेसम्म खुला गरेको उक्त सेयरको नतिजा चैत २० गते सार्वजनिक गरेको हो।

कम्पनीका अनुसार कुल ३ लाख ५० हजार कित्ता सेयरका लागि परेको आवेदनमध्ये २५ हजार आवेदकले सेयर प्राप्त गरेका छन्। बाँडफाँटको विवरण धितोपत्र निष्काशन तथा बिक्री प्रबन्धक Sanima Capital Limited को वेबसाइट तथा सिडिएससीको अनलाइन प्रणालीमार्फत हेर्न सकिने व्यवस्था गरिएको छ।

बाँडफाँटमा सफल भएका लगानीकर्ताको हितग्राही खातामा सेयर क्रमशः जम्मा गरिनेछ भने नपरेका आवेदकहरूको रकम सम्बन्धित बैंक खातामा फिर्ता गरिने प्रक्रिया अघि बढाइएको कम्पनीले जनाएको छ। यससम्बन्धी कार्य सि–आस्बा सदस्य संस्थामार्फत सम्पन्न गरिनेछ।

वैदेशिक रोजगारीमा रहेका नेपालीहरूलाई लक्षित गरी ल्याइएको यस आईपीओमा उल्लेख्य सहभागिता देखिएको कम्पनीले जनाएको छ। ऊर्जा क्षेत्रमा लगानी विस्तार गर्ने योजनासहित अघि बढेको कम्पनीको आगामी वित्तीय प्रगति र कार्यसम्पादनप्रति लगानीकर्ताको चासो बढ्ने अपेक्षा गरिएको छ।