काठमाडौं, २९ असार । नेपाल राष्ट्र बैंकले आज (सोमबार) २५ अर्बको ऋणपत्र जारी गर्ने भएको छ। केन्द्रीय बैंकले १ वर्ष अवधिको लागि राष्ट्र बैंक ऋणपत्रको बोलकबोल तथा निष्कासन गर्ने भएका हो।

यसको ब्याजदर बोलकबोलको माध्यमबाट निर्धारण हुनेछ भने ब्याज भुक्तानी अर्धवार्षिक रुपमा हुनेछ। बैंक तथा वित्तीय संस्थाले न्यूनतम ५ करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्मका लागि बोलपत्र पेस गर्न सक्नेछन्। सावाँ तथा ब्याज भुक्तानी २०८४ सालको असार २९ गते तोकिएको छ भने यसको ब्याजदर समेत बोलकबोलको माध्यमबाट हुनेछ। ब्याजदरको भुक्तानी अर्धवार्षिक रुपमा हुनेछ।

ऋणपत्रकोबोलकबोल ब्याजदरमा गर्नुपर्नेछ। बहुब्याजदरमा पनि बोलकबोल गर्न सकिनेछ। आह्वान गरिएको ऋणपत्रको रकम बाँडफाँट गर्दा बोलकबोलको ब्याजदरलाई सानोदेखि ठूलो क्रममा राखी आह्वान रकमसम्म वा समितिले निर्धारण गरेको बाँडफाँट रकमसम्मको विन्दुमा कायम हुने ब्याजदरलाई एकल ब्याजदर कायम गरी सोही एकल ब्याजदरमा सो दर र सो दरभन्दा कम बोलवालालाई नेपाल राष्ट्र बैंक ऋणपत्र बिक्री गर्ने राष्ट्र बैंकले जनाएको छ।