काठमाडौं, १७ कात्तिक। महालक्ष्मी विकास बैंक र दराज नेपालबीच ११.११ अभियानअन्तर्गत ग्राहकलाई विशेष अफर तथा छुट प्रदान गर्ने उद्देश्यले सहकार्य भएको छ ।

ग्राहकको आवश्यकता, सुविधा र सन्तुष्टिलाई प्राथमिकतामा राख्दै आएको महालक्ष्मी विकास बैंकले आफ्ना डिजिटल बैंकिङ सुविधालाई थप विस्तार गर्ने नीतिअनुरूप दराज नेपालसँग सहकार्य गरेको हो ।

विश्वव्यापी रूपमा मनाइने ११.११ अभियानअन्तर्गत महालक्ष्मी विकास बैंकका डेबिट तथा क्रेडिट कार्ड प्रयोगकर्ताले दराज नेपालमार्फत सामान खरिद गर्दा विशेष छुट प्राप्त गर्न सक्नेछन् । यो योजना २०८३ कात्तिक १५ गतेदेखि कात्तिक २५ गतेसम्म लागू हुनेछ ।

योजनाअन्तर्गत बैंकका डेबिट कार्डबाट भुक्तानी गर्दा खरिद रकममा १५ प्रतिशत वा अधिकतम १५०० रुपैयाँसम्म छुट पाइनेछ । त्यसैगरी, क्रेडिट कार्डबाट भुक्तानी गर्दा खरिद रकममा २० प्रतिशत वा अधिकतम २ हजार रुपैयाँसम्म छुट प्राप्त गर्न सकिने बैंकले जनाएको छ ।

छुट प्राप्त गर्न ग्राहकले दराजबाट भौचर संकलन गर्नुपर्नेछ । योजना अवधिभर सहभागी हुने ग्राहकलाई पहिलो आउनेलाई प्राथमिकता (पहिलो आउनेलाई पहिलो प्राथमिकता) का आधारमा छुट प्रदान गरिनेछ ।

यस प्रकारको सहकार्यले ग्राहकसँग डिजिटल रूपमा जोडिन, भुक्तानी प्रक्रियालाई सहज बनाउन तथा डिजिटल नवप्रवर्तनमार्फत ग्राहक सन्तुष्टि अभिवृद्धि गर्न सहयोग पुग्ने विश्वास बैंकले लिएको छ ।

गुणस्तरीय वित्तीय सेवा प्रदान गर्दै आएको महालक्ष्मी विकास बैंकले हालै काठमाडौंको ज्ञानेश्वरमा कफी लाउञ्जसहितको डिजिटल हबसमेत सञ्चालनमा ल्याएको छ ।