काठमाडौं, १८ वैशाख । हाल नेपालमा रहेको २१ वटा वाणिज्य बैंकहरु मध्ये अधिकांश बैंकहरुले आधार दर (बेस रेट) घटाएका छन् । चालु आर्थिक वर्षको दोस्रो त्रैमासिक अर्थात ६ महिनाको तुलनामा तेस्रो त्रैमासिकमा बेस रेट घटाएका हुन् । बसे रेट घट्दा समग्रमा ब्याजदर घट्ने अनुमान गरिएको छ ।

सबैभन्दा कम बेस रेट राष्ट्रिय वाणिज्य बैंकको रहेको छ भने सबैभन्दा धेरै बेस रेट सनराइज बैंकको रहेको छ । यसको अर्थ कर्जाको ब्याजदर राष्ट्रिय वाणिज्य बैंकमा सबै बैंकमा भन्दा सस्तो पर्ने छ भने सनराइज बैंकको सबैभन्दा महंगो भएको छ ।

पुस महिनाको तुलनामा अहिले अधिकांश बैंकहरुको बेस रेट घटेको छ । नेपाल राष्ट्र बैंकले बेस रेट ४ प्रतिशत कायम गरेतापनि सनराइज बैंकको बेस रेट ११.३४ प्रतिशत रहेको छ । राष्ट्र बैंकको निति अनुसार असार मसान्तमा तोकेको भन्दा बढि बेस रेट भएको बैंकलाई कारर्वाहि समेत गर्ने गरेको छ । दोस्रोमा स्ट्याण्डर चार्टर बैंकको बेस रेट ९.२७ प्रतिशत रहेको छ ।

यसैगरी तेस्रो नम्बरमा नेपाल बैंक ९.९२, चौथौ नम्बरमा नम्बरमा एभरेष्ट बैंकको ९.९४ र पाँचौमा नबिल बैंक ९.९९ प्रतिशत रहेको छ । यी मध्ये नेपाल बैंकले भने बेस रेट बढाएको छ । पुसमा ९.९० प्रतिशत थियो भने अहिले बढेर ९.९२ प्रतिशतमा कायम भएको छ ।

कुन बैंकको कति छ बेस रेट ?