काठमाडौं, १७ मंसिर । सामसङ नेपालले नेपाल प्रिमियर लिग (एनपीएल्र) सिजनलाई लक्षित गर्दै आफ्ना विभिन्न श्रेणीका टेलिभिजनमा आकर्षक छुट र सटही बोनस योजना सार्वजनिक गरेको छ। प्रिमियमदेखि सामान्य मोडेलसम्मका टिभीहरूमा ३३ प्रतिशतसम्म छुट र अधिकतम ७ हजार रुपैयाँसम्म सटही बोनस उपलब्ध गराइने यो अफर कात्तिक ५ गतेदेखि पुस १६ गतेसम्म देशभरका अधिकृत सामसङ बिक्री केन्द्रहरूमा लागू हुनेछ।

८५ इन्चसम्मका ठूलो पर्दा, उत्कृष्ट तस्वीर गुणस्तर र उन्नत सुविधासहितका सामसङका नयाँ बुद्धिमान टिभीहरूले खेलकुद हेर्दा घरमै रहेका दर्शकलाई रंगीन र जीवन्त अनुभूति दिलाउने कम्पनीले जनाएको छ। यी टिभीमा सामग्रीलाई अझ स्पष्ट र सुन्दर बनाउने सुयोग्य प्रविधि तथा सुरक्षित प्रयोग सुनिश्चित गर्ने सुरक्षा प्रणाली जडान गरिएको छ।

सामसङले टी, ए, बी, सी, डी र एफ सिरिजका सबै टिभीमा ३ वर्षसम्मको पूर्ण भरपर्दो सेवा उपलब्ध गराइरहेको छ। उपलब्ध छुटमध्ये प्रिमियम मोडेलमा १९ प्रतिशत, मध्यस्तरका मोडेलमा २१ प्रतिशत, ४३ इन्चका मोडेलमा ३३ प्रतिशत र ३२ इन्चका मोडेलमा २१ प्रतिशतसम्म छुट पाउन सकिनेछ। साथै, हुलास फिनसर्भको सहकार्यमा शून्य प्रतिशत ब्याजदरमा सजिलो किस्ताबन्दी सुविधा र आर्कोस्टोर तथा देशभरका सामसङ बिक्री केन्द्रमार्फत पुराना टिभी सटही गरी नयाँ टिभी लिन सकिने व्यवस्था गरिएको छ।