काठमाडौं, २७ माघ । विश्वप्रसिद्ध प्रविधि कम्पनी सामसुङले चाँडै नै नयाँ एआई–आधारित स्मार्टफोन अनुभव सार्वजनिक गर्ने संकेत दिएको छ। कम्पनीले जारी गरेको टिजरहरूको शृङ्खलाले नेपालसहित विश्वभर प्रविधि प्रेमीहरूमा उत्साह बढाएको छ।

हालसम्म सामसुङले आधिकारिक रूपमा कुनै विवरण सार्वजनिक नगरे पनि, सार्वजनिक गरिएका टिजरहरूबाट स्मार्टफोन प्रयोगको अनुभव नै रूपान्तरण गर्ने खालका नयाँ फिचरहरू आउने संकेत देखिएको छ। एक टिजरले डिस्प्ले इन्टेलिजेन्स वा डिभाइस–भित्रै रहेको आर्टिफिसियल इन्टेलिजेन्स ९एआई० तर्फ संकेत गरेको छ भने अर्को टिजरले सामसुङको लोकप्रिय ‘नाइटोग्राफी’ क्यामेरा फिचरमा सम्भावित सुधारको इशारा गरेको छ।

यी सूक्ष्म संकेतहरूले सामसुङले यसपटक के नयाँ ल्याउँदैछ भन्ने विषयमा व्यापक चर्चा सुरु गरिसकेको छ। नेपालमा ग्यालेक्सी फ्ल्यागसिप सिरिजले पाएको सफलतामाथि टेकेर, सामसुङले अब दैनिक प्रयोगलाई अझ स्मार्ट, सहज र व्यक्तिगत बनाउने दिशामा ध्यान केन्द्रित गरेको देखिन्छ।

टिजरमा संकेत गरिएको अनुभव अन–डिभाइस एआईद्वारा सञ्चालित इन्टेलिजेन्ट डिस्प्ले लेयरमा केन्द्रित हुनसक्ने अनुमान गरिएको छ। यस्तो प्रविधिले प्रयोगकर्ताको प्रयोग शैली, स्क्रिनसँगको अन्तर्क्रिया र वातावरणअनुसार कन्टेन्टलाई रियल टाइममै अनुकूलन गर्ने क्षमता राख्ने बताइएको छ, जसले समग्र प्रयोग अनुभवलाई अझ प्रभावकारी बनाउनेछ।

यसका साथै, टिजरमार्फत देखाइएको अर्को चासोको विषय भनेको अन–स्क्रिन प्राइभेसीप्रति सामसुङको नयाँ दृष्टिकोण हो। उन्नत डिस्प्ले प्रविधि र अन–डिभाइस इन्टेलिजेन्सको प्रयोगमार्फत, आजको गतिशील जीवनशैलीलाई लक्षित गर्दै एआई–सञ्चालित नयाँ प्राइभेसी लेयर प्रस्तुत गर्ने तयारीमा सामसुङ रहेको अनुमान गरिएको छ।

प्रतीक्षा थपिँदै जाँदा, सामसुङ नेपालले जारी गरेको पछिल्लो टिजरले नजिकिँदै गरेको दिनमा स्मार्टफोन अनुभवलाई नयाँ उचाइमा पुर्‍याउने इन्टेलिजेन्सको नयाँ तह सार्वजनिक हुनसक्ने संकेत दिएको छ।