आरएसडिसी लघुवित्तले सेयरधनीलाई ९.४० प्रतिशत नगद लाभांश दिने
वि.सं.२०८३ कात्तिक १६ सोमवार १०:५८
403
shares
shares
काठमाडौं, १६ कात्तिक।आरएसडिसी लघुवित्त वित्तीय संस्था लिमिटेडले गत आर्थिक वर्षको मुनाफाबाट सेयरधनीलाई नगद लाभांश वितरण गर्ने प्रस्ताव गरेको छ ।
कम्पनीले हाल कायम चुक्ता पुँजीको ९.४० प्रतिशत नगद लाभांश (करसहित) वितरण गर्ने निर्णय गरेको हो । कात्तिक १५ गते बसेको सञ्चालक समितिको बैठकले उक्त लाभांश वितरण गर्ने प्रस्ताव पारित गरेको छ ।
प्रस्तावित लाभांश नेपाल राष्ट्र बैंकबाट स्वीकृत हुनुपर्नेछ । राष्ट्र बैंकको स्वीकृति प्राप्त भएपछि कम्पनीको आगामी वार्षिक साधारणसभाबाट समेत पारित गराउनुपर्नेछ । त्यसपछि मात्रै सेयरधनीले उक्त दरको नगद लाभांश प्राप्त गर्नेछन् ।
