२४ घण्टामा ट्राफिक प्रहरीले गर्यो ५५७ जनालाई कारबाही
वि.सं.२०८३ कात्तिक २७ शुक्रवार ०९:३२
520
shares
shares
काठमाडौं, २७ कात्तिक। ट्राफिक प्रहरीले पछिल्लो २४ घण्टामा ५५७ वटा सवारीसाधनका चालकलाई कारबाही गरेको छ ।
शुक्रबार बिहानसम्म काठमाडौं उपत्यकाका विभिन्न स्थानमा ट्राफिक प्रहरीले सञ्चालन गरेको जाँचका क्रममा मादक पदार्थ (मापसे) सेवन गरी सवारी चलाउने १०६, सिसिटिभिमार्फत २५, रातोबत्तीमा ३८ जना चालकलाई कारबाही गरिएको छ ।
यसैगरी, तीव्रगतिमा ८४, हर्न निषेधमा २, अवस्था ठिक नभएको ९ जना र अन्यमा २८९ जना चालकलाई कारबाही गरिएको ट्राफिक प्रहरीले जनाएको छ ।
