बेइजिङ, २९ अगष्ट । चिनियाँ राष्ट्रपति सी जिनपिङ र अमेरिकी राष्ट्रपति लागि राष्ट्रिय सुरक्षा मामिला सल्लाहकार जेक सुलिभानसँग भेट वार्ता भएको हो । बिहीबार चीनको राजधानीमा राष्ट्रपति सी र अमेरिकी सुरक्षा सल्लाहकार जेकबीच भेटवार्ता भएको हो ।

भेटमा राष्ट्रपति सीले परिवर्तनशील र अशान्त संसारमा देशहरूलाई विभाजन वा टकराव होइन, एकता र समन्वय आवश्यक बताएका छन् । जनताले बहिष्कार र पछाडि हट्न होइन, खुलापन र प्रगति चाहने भन्दै सीले दुई ठूला देशका रूपमा, चीन र संयुक्त राज्य अमेरिका इतिहास, जनताका लागि र विश्वका लागि जिम्मेवार हुनुपर्ने बताए । विश्व शान्तिका लागि स्थायित्वको स्रोत र साझा विकासको प्रेरक बन्नुपर्ने राष्ट्रपति सीको धारणा छ ।

चीन र संयुक्त राज्य अमेरिकाबीचको सम्बन्धमा ठूलो परिवर्तन भएको भए तापनि, चीनको स्थिर, स्वस्थ र दिगो चीन–अमेरिका सम्बन्धको लक्ष्यमा प्रतिबद्धता यथावत रहेको समेत सीले बताएका छन् ।
आपसी सम्मान, शान्तिपूर्ण सहअस्तित्व र लाभदायक सहकार्यको आधारमा सम्बन्धलाई व्यवस्थापन गर्ने सिद्धान्तमा परिवर्तन नआएको भन्दै सीले आफ्नो देशको सार्वभौमसत्ता, सुरक्षा र विकासका चासोहरू दृढताका साथ सुरक्षित राख्ने चीनको अडानमा कुनै परिवर्तन आएको नआएको बताए ।

राष्ट्रपति सीले भनेका छन्, ‘चिनियाँ र अमेरिकी जनताबीचको परम्परागत मित्रतालाई अगाडि बढाउनका लागि प्रयासहरू पनि अपरिवर्तित छन् । राष्ट्रपति सीले आशा व्यक्त गर्नुभयो कि अमेरिकाले चीनसँग मिलेर यसै दिशामा काम गर्नेछ, चीन र यसको विकासलाई सकारात्मक र तर्कसंगत दृष्टिकोणले हेर्नेछ, एकअर्काको विकासलाई चुनौती होइन अवसरको रूपमा देख्नेछ, र दुई ठूला देशबीच आपसी सम्बन्ध कायम गर्न सही मार्ग खोज्नेछ ।’