काठमाडौं, ८ असोज । बुधवार शेयर बजार दोहोरो अंकले घटेको छ । शेयर बजार २७.८९ अंकले घटेर २,६५४ बिन्दुमा कायम भएको छ ।

शेयर बजारमा ५३ कम्पनीको शेयर मूल्य बढेको छ भने १९३ कम्पनीको शेयर मूल्य घटेको छ भने ५ कम्पनीको शेयर मूल्य स्थिर रहेको छ । यसदिन ४ अर्ब १२ करोडको कारोबार भएको हो ।

दोहोरो अंकले घटेको शेयर बजारमा उन्नती सहकार्य लघुवित्तका लगानीकर्ताले सर्वाधिक गुमाएका छन् । उक्त कम्पनीको लगानीकर्ताले ५.३८ प्रतिशतका दरले गुमाएका हुन् ।

यसदिन राप्ती हाइड्रोपावरका लगानीकर्ताले ४.६३ प्रतिशतका दरले गुमाएका छन् भने बुटवल पावरका लगानीकर्ताले ४ प्रतिशतका दरले गुमाएका छन् ।

त्यसैगरी, कर्पोरेट विकास बैंकका लगानीकर्ताले ३.९७ प्रतिशतका दरले गुमाएका छन् भने एशियन हाइड्रोपावरका लगानीकर्ताले ३.९२ प्रतिशतका दरले गुमाएका छन् ।