काठमाडौं,१२ कार्तिक। सरकारले आर्टिफिसियल इन्टेलिजेन्स (एआई) को प्रभावकारी प्रयोगसम्बन्धी सीप विकास गर्न निःशुल्क अनलाइन तालिम सञ्चालन गर्ने योजना अघि सारेको छ ।

युवा, श्रम तथा रोजगार मन्त्रालयले प्रॉम्प्ट इन्जिनियरिङसम्बन्धी तालिम सञ्चालन गर्ने योजना सार्वजनिक गरेको हो । मन्त्रालयले बुधबार एक भिडियो सार्वजनिक गर्दै तालिमबारे जानकारी दिएको छ ।

प्रॉम्प्ट इन्जिनियरिङ भनेको च्याटजीपीटीजस्ता एआई उपकरणबाट उपयोगी र सटीक जवाफ प्राप्त गर्न स्पष्ट निर्देशन तथा प्रश्न तयार गर्ने सीप हो । पछिल्लो समय एआईको प्रयोग बढ्दै गएकाले यसको प्रभावकारी उपयोगका लागि यस्तो सीप महत्त्वपूर्ण मानिन्छ ।

मन्त्रालयले तालिम कहिलेदेखि सुरु हुने र इच्छुक व्यक्तिले कसरी सहभागी हुन आवेदन दिने भन्नेबारे भने विस्तृत जानकारी सार्वजनिक गरेको छैन ।