पश्चिमी वायुको आंशिक प्रभाव : चार प्रदेशका पहाडी तथा हिमाली भेगमा बदली, हिमपातको सम्भावना
वि.सं.२०८३ मंसिर २ बुधवार ०९:३०
520
shares
shares

काठमाडौँ — पश्चिमी वायुको आंशिक प्रभावका कारण मंसिर २ गते (बुधबार) देशका चार प्रदेशको मौसममा सामान्य फेरबदल देखिएको छ। मौसम पूर्वानुमान महाशाखाका अनुसार कोशी, बागमती र गण्डकी प्रदेशका पहाडी तथा हिमाली भेगका केही स्थानमा वर्षा र हिमपातको सम्भावना छ।
महाशाखाको विवरणअनुसार कोशी, बागमती र गण्डकीका पहाडी तथा हिमाली क्षेत्रसँगै लुम्बिनी प्रदेशको पहाडी भूभागमा आंशिक बदली रहनेछ। तराईका कतिपय स्थानमा तुवाँलो लागे पनि मुलुकका बाँकी अधिकांश भूभागको मौसम भने दिउँसो मुख्यतया सफा रहने पूर्वानुमान छ।
हिमाली तथा पर्वतीय क्षेत्रको मौसममा आउन सक्ने सम्भावित बदलावलाई मध्यनजर गर्दै यात्रामा निस्कनुअघि मौसमको जानकारी लिन महाशाखाले आग्रह गरेको छ। विशेषगरी पदयात्री, पर्यटक, यात्रु तथा उच्च भेगका स्थानीय बासिन्दालाई आवश्यक सतर्कता अपनाउन सुझाव दिइएको छ।

















