काठमाडौं, १५ माघ । २० वाणिज्य बैंकहरुले चालु आर्थिक वर्ष २०८०–०८१ को पुस मसान्त अर्थात दोस्रो त्रैमासको वित्तीय विवरण सर्वजनिक गर्दा सबै बैंकहरुले बेस रेट घटेको छ । गत आर्थिक वर्ष २०८९–०८० को वर्षको पुस मसान्तसम्मको तुलनामा २० वाणिज्य बैंकहरुकै आधार दर घटेको छ ।

बैंकले दिने कर्जाको ब्याजदर निर्धारण गर्ने प्रमुख आधार हो बेस रेट । बेस रेट सस्तो हुँदा ऋणको ब्याजदर पनि सस्तो हुन्छ । वाणिज्य बैंकहरुमध्ये चार्टर्ड स्ट्याण्डर्ड चार्टर्ड र प्रभु बैंकको २ प्रतिशत भन्दा बढी बेस रेट घटेको छ भने एनएमबी, प्राइम र हिमालयन बैंकको १ प्रतिशत भन्दा कम घटेको छ ।

स्ट्याण्डर्ड चार्टर्ड बैंकको चालु आर्थिक वर्षको पुस मसान्तसम्ममा ७.५६ प्रतिशत बेस रेट छ भने गत आवको सोही अवधिमा स्ट्याण्डर्ड चार्टर्डको ९.६७ प्रतिशत थियो । गत वर्षको तुलनामा चार्टर्डको २.११ प्रतिशतले बेस रेट घटेको छ ।

गत आवको पुस मसान्तसम्ममा ११.४४ प्रतिशत बेस रेट भएको प्रभु बैंकको चालु आवको सोही अवधिमा भने ९.४२ प्रतिशत आधार दर रहेको छ । प्रभुको गत वर्षको तुलनामा २.०२ प्रतिशतले बेस रेट घटेको छ ।

गत वर्षको पुस मसान्तसम्मको तुलनामा सबैभन्दा कम हिलायलन बैंकको बेस रेट घटेको छ । हिमालयनको ०.२७ प्रतिशतले आधार दर घटेको छ । हिमालयनको चालु आवको पुस मसान्तसम्ममा १०.५१ प्रतिशत बेस रेट रहेको छ भने गत वर्षको सोही अवधिमा १०.८५ प्रतिशत रहेको थियो ।

एनएमबी बैंकको पनि १ प्रतिशत भन्दा कम बेस रेट घटेको छ । एनएमबीको चालु आवको दोस्रो त्रैमाससम्ममा ९.९५ प्रतिशत बेस रेट छ भने गत वर्षको सोही अवधिमा १०.६८ प्रतिशत थियो । एनएमबीको गत वर्षको तुलनामा ०.७३ प्रतिशतले बेस रेट घटेको छ ।

प्राइम कमर्सियल बैंकको पनि १ प्रतिशत भन्दा कम आधार दर घटेको छ । प्राइम कमर्सियलको चालु आवको ६ महिनाको अवधिमा १०.३८ प्रतिशत बेस रेट छ भने गत आवको सोही अवधिमा ११.३५ प्रतिशत आधार दर थियो । गत वर्षको तुलनामा प्राइमको ०.९६ प्रतिशतले बेस रेट घटेको छ ।

बाँकी १५ वाणिज्य बैंकहरुको गत आवको पुस मसान्तको तुलनामा १ प्रतिशत भन्दा बढीले आधार दर घटेको छ । ३ वाणिज्य बैंकको बेस रेट डबल अंकमा छ भने अन्य १७ बैंकको भने सिंगल अंकको बेस रेट छ ।

चालु आवको पुस मसान्तसम्ममा कुमारी, प्राइम र हिमालयन बैंकको क्रमशः १०.२८, १०.३८ र १०.५९ प्रतिशत बेस रेट रहेको छ । स्ट्याण्डर्ड चार्टर्ड र राष्ट्रिय वाणिज्य बैंकको बेस रेट ८ प्रतिशत भन्दा कम छ भने नेपाल बैंक र एभरेष्ट बैंकको ९ प्रतिशत भन्दा कम बेस रेट छ । १३ वाणिज्य बैंकको चालु आवको पुस मसान्तसम्ममा १० प्रतिश भन्दा कम बेस रेट रहेको छ ।

गत वर्षको तुलनामा बेस रेट

कुन बैंकको बेस रेट कति ?