काठमाडौं, २१ साउन । इकोनोमिक मिडिया एसोसिएसन नेपाल ९इमान० द्वारा आयोजित ‘इमान राउण्ड टेबल’ कार्यक्रम सोमबार राजधानीको नयाँ बानेश्वरस्थित आनन्दभूमि इभेन्टमा सम्पन्न भएको छ।

“सुनचाँदीमा सरकारी नीतिः सुधार कि नियन्त्रण ?” विषयमा केन्द्रित यो छलफल कार्यक्रममा नीति निर्माता, अर्थविद्, व्यवसायी तथा सञ्चारकर्मीहरुको सक्रिय सहभागिता रहेको थियो।

कार्यक्रममा उद्योग, वाणिज्य तथा उपभोक्ता हित संरक्षण विभागका महानिर्देशक कुमार दाहाल, अर्थविद् डा। चन्द्रमणि अधिकारी, नेपाल सुनचाँदी व्यवसायी संघका अध्यक्ष र पदाधिकारीहरू, इमानका पदाधिकारीहरू, तथा आर्थिक क्षेत्रका पत्रकारहरूको उल्लेखनीय उपस्थिति रहेको थियो।

नीति निर्माण र व्यवसायीबीचको अन्तरदृष्टिपूर्ण संवाद
कार्यक्रममा बोल्दै विभागका महानिर्देशक दाहालले सुनचाँदी क्षेत्रमा सरकारको नियमन आवश्यक भए तापनि, त्यसले व्यवसायीको स्वतन्त्रता र उपभोक्ताको अधिकार दुबैलाई समेट्नुपर्ने बताए।

यो पनि पढ्नुहोसः ‘सुनमा विलासिता कर लगाउने नीति गलत छ’

अर्थविद् डा। चन्द्रमणि अधिकारीले नेपालजस्तो साना अर्थतन्त्र भएका देशहरूमा सुनचाँदी व्यापारमा अत्यधिक नियन्त्रणको सट्टा सहजीकरणमुखी नीति निर्माण हुनुपर्नेमा जोड दिए।

नेपाल सुनचाँदी व्यवसायी संघका अध्यक्षले हाल सरकारले लगाएको आयात प्रतिबन्ध, कर संरचना र नियामक जटिलताले व्यवसाय धराशायी बन्ने अवस्था आएको भन्दै गुनासो राखे।

इमानको उद्देश्य स् समसामयिक आर्थिक विषयमा बहस प्रवर्द्धन
इमानका अध्यक्षले स्वागत मन्तव्यमा समसामयिक आर्थिक विषयमा तथ्यमा आधारित र सूचनायुक्त बहस आवश्यक रहेको उल्लेख गर्दै यस्तो राउण्ड टेबलले नीति निर्माणमा योगदान पुर्‍याउने विश्वास व्यक्त गरे।

कार्यक्रममा सञ्चारकर्मीहरूबीच सुनचाँदी व्यवसायको भविष्य, सरकारी हस्तक्षेप, मूल्य निर्धारण प्रणाली लगायत विषयमा खुला छलफलसमेत भएको थियो