एकैदिन सुनको मूल्यमा १३ हजार ३ सय रुपैयाँको वृद्धि, चाँदीको भाउमा कति परिवर्तन ?
वि.सं.२०८३ कात्तिक १९ बिहीवार ११:२६
611
shares
shares
काठमाडौं, १९ कात्तिक । नेपाली बजारमा सुन तथा चाँदी दुवै धातुको मूल्यमा वृद्धि भएको छ । कार्तिक १९ गते बिहीबार सुनको मूल्य प्रतितोला १३ हजार ३ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला २ लाख ८८ हजार ९ सय रुपैयाँ कायम भएको छ । अघिल्लो दिन बुधबार सुन प्रतितोला २ लाख ७५ हजार ६ सय रुपैयाँमा कारोबार भएको थियो ।
त्यसैगरी, चाँदीको मूल्य पनि प्रतितोला २६५ रुपैयाँले बढेको छ । बुधबार प्रतितोला ३ हजार ६५५ रुपैयाँमा कारोबार भएको चाँदी बिहीबार बढेर ३ हजार ९२० रुपैयाँ पुगेको महासंघले जनाएको छ ।
