डीडीसीले तिर्यो काठमाडौं महानगरलाई सम्पत्ति कर, करोडभन्दा बढी दाखिला
वि.सं.२०८१ माघ ४ शुक्रवार ११:३६
2.41K
shares
shares
काठमाडौं, ४ माघ । सरकारी स्वामित्वको दुग्ध विकास संस्थान (डीडीसी)ले काठमाडौं महानगरपालिकालाई सम्पत्ति कर बुझाएको छ ।
२०८१ पुस २८ गतेको मूल्यांकनबमोजिम वडा २६ कार्यालय लैनचौरमा संस्थानले बिहीवार १ करोड २ लाख ८७ हजार ९२६ रुपैयाँ २ पैसा कर दाखिला गरेको हो ।
महानगरका उपप्रमुख तथा राजस्व परामर्श समितिका संयोजक सुनिता डंगोलले महानगरको नियम अनुसार कसैलाई काखा कसैलाई पाखा गर्न नदिने अडान लिएपछि सार्वजनिक संस्थानहरुले पनि कर बुझाउन थालेका छन् ।
