काठमाडौं, २२ साउन । समता घरेलु लघुवित्त वित्तीय संस्था लिमिटेडले गत आर्थिक वर्ष आवमा ८ करोड ४९ लाख रुपैयाँ खुद नाफा आर्जन गरेको छ । अघिल्लो आर्थिक वर्षको तुलनामा उक्त नाफा २४०.९१ प्रतिशत बढी हो ।

लघुवित्तले अघिल्लो आवको अन्त्यसम्म २ करोड ४९ लाख रुपैयाँ खुद नाफा कमाएको थियो । लघुवित्तले अघिल्लो वर्ष १९ करोड ४४ लाख रुपैयाँ खुद ब्याज आम्दानी गरेकोमा गत वर्ष ७३.७५ प्रतिशतले बढेर ३३ करोड ७७ लाख रुपैयाँ नाघेको छ। यता कुल सञ्चालन आम्दानी पनि २२ करोड ३२ लाख रुपैयाँबाट बढेर ३८ करोड ९८ लाख रुपैयाँ पुगेको छ।

समीक्षा अवधिमा लघुवित्तको सञ्चालन नाफा अघिल्लो वर्ष ४ करोड ३९ लाख रुपैयाँ मात्रै रहेकोमा गत वर्ष २३७.९४ प्रतिशतले बढेर १४ करोड ८५ लाख रुपैयाँ पुगेको छ।

लघुवित्तको लाभांश क्षमता (वितरणयोग्य नाफा) अघिल्लो वर्ष ३ करोड ५४ लाख रुपैयाँ मात्रै रहेकोमा गत वर्ष बढेर ६ करोड ८६ लाख रुपैयाँ पुगको छ। प्रतिशेयर आम्दानी पनि ४.४२ रुपैयाँबाट बढेर १३.५१ रुपैयाँ कायम भएको छ।

चुक्ता पूँजी ६२ करोड रुपैयाँ रहेको लघुवित्तले ५ अर्ब ४९ करोड रुपैयाँ कर्जा प्रवाह गरेर ४ अर्ब ९७ करोड रुपैयाँ निक्षेप संकलन गरेको छ। कम्पनीको प्रतिशेयर नेटवर्थ १३५.३७ रुपैयाँ छ भने खराब कर्जा १०.४८ प्रतिशतबाट घटेर ६.८७ प्रतिशतमा झरेको छ।