प्रभु केबलकारको संस्थापक शेयर बिक्रीमा
वि.सं.२०८२ भदौ १९ बिहीवार ०९:४२
2.98K
shares
shares
काठमाडौं, १९ भदौ । प्रभु केबलकार एण्ड टुरिजम लिमिटेडले संस्थापक शेयर बिक्रीमा राखेको छ । कम्पनीले संस्थापक शेयरधनी पुरुषोत्तम श्रेष्ठको नाममा रहेको १० हजार कित्ता शेयर बिक्रीमा ल्याएको हो ।
कम्पनीले उक्त शेयर हाल विद्यमान संस्थापक शेयरधनीहरुको लागि बिक्रीमा राखेको हो । कम्पनीका अनुसार बिक्री खुला गरेको ३५ दिनभित्र कुनै पनि संस्थापक शेयरधनीले उक्त शेयर खरिद नगरेको खण्डमा सर्वसाधारणहरुको लागि बिक्रीमा राखिने जनाएको छ ।
उक्त शेयर खरिद गर्न इच्छुक शेयरधनीहरुले कम्पनीको कार्यालय काठमाडौं, तिनकुनेमा आवेदन दिन सक्नेछन् । बिक्रीमा राखिएको शेयरको मूल्य प्रतिकित्ता १३० रुपैयाँ तोकिएको छ ।
