काठमाडौं, ६ असार । पुँजी बजार सुधार र विकासका लागि आमरण अनसनमा बसेका तिलक कोइरालाले माग पुरा नभएसम्म अनसन नतोड्ने बताउका छन् । सोमबार अनसनस्थलमा पुगेका एमाले र राप्रपाका नेताहरुसँग उनले यस्तो बताएका हुन् ।

अनसनमा एैक्येबद्धता जनाउनका लागि अनसनस्थलमा एमालेका प्रमुख सचेतक विशाल भट्टराई र राप्रपाका अध्यक्ष राजेन्द्र लिङ्देन पुगेका थिए । अनसनरत कोइरालाले अहिले राखिएका मागहरु लगानीकर्ताको यस अघि सरकारले पुरा गर्छु भनेको मागहरु रहेकाले अहिले ति माग पुरा नभएसम्मका लागि अनसन नतोड्ने आमरण अनसनरत तिलक कोइरालाले बताएका छन् ।

‘माग पुरा नभएसम्म अनसन तोड्दिन, बरु ज्यानै जाओस्,’ कोइरालाले भने । सरकारले समयमै काम नगरेका कारण अहिलेको अवस्था भएको भन्दै समाधानका लागि सरकार जबाफदेहि हुनु पर्ने उनको भनाइ छ । सरकारले सुधारका काम नगर्ने तथा बजारलाई प्रभाव पार्ने किसिमबाट नीतिहरु आउँदा अहिलेको जटिल अवस्थाको सिर्जना हुन पगेको भन्दै यसमा सरकार गम्भीर हुनु पर्ने कोइरालाले बताए ।

एमालेको सरकारकै पालामा यो समस्या आएकाले एमालले समस्या समाधानका लागि पहल गर्नु पर्ने तर्फ कोइरालाले आग्रह गरेका थिए । कम्युनिष्टहरु पुँजी बजारको नामै सुन्न नचाहने भएकाले पनि समस्या आएको भन्दै कम्युनिष्टहरु यस पति अली सम्बेदनशील हुनु पर्ने कोइरालाको माग छ ।
अनसनस्थलमा पुगेको नेकपा एमालेका प्रमुख सचेतक विशाल भट्टराइले पार्टीका नेताहरुसँग यस विषयमा कुराकानी गर्ने बताएका हुन् ।

यसका साथै राष्ट्र बैंकमा पनि पार्टीको तर्फबाट सुझाब पेश गर्ने उनको भनाइ छ । ‘अहिले एमाले सरकारमा त छैन तर जिम्मेवार राजनीति दल भएका कारण यस विषयमा संसदमा आवाज उठाउँछौँ,’ प्रमुख सचेतक भट्टराईले भने ।

एमालेको सरकार हुँदा शेयर बजार राम्रो अवस्थामा रहेको बताएका भट्टराईले अहिले संसदमा शेयर बजारभन्दा पनि बजेट निर्माणका क्रममा भएका कमजोरीका विषयमा बढी केन्द्रित रहेको पनि बताए ।

त्यस्तै राप्रपाका अध्यक्ष राजेन्द्र लिङ्देनले पनि यस विषयमा आफूहरुको प्रतिबद्धता रहेको र माग पुरा गर्नु पर्ने धारणा व्यक्ति गरे । पुँजी बजारको समस्या समाधान भन्ने कुरा योसँग सम्बन्धित व्यक्तिको मात्रै नभएर समग्र देशको अर्थतन्त्रकै विषय भएकाले सरकार जिम्मेवार हुनु पर्ने लिङ्देनले बताए । शेयर बजारको समस्याले सामान्य जनतालाई समेत पर्ने भएकाले यसका लागि सरकारले समय मै ध्यान दिनु पर्ने बताए ।

‘एक जना लगानीकर्ता, नेपाली नागरिक ६ दिनदेखि अनसनमा रहनु तर सरकारले कुनै पनि चासो नदिनु, यतिसम्म की छलफलको लागि पहल समेत नगर्नु दुःखत कुरा हो, यसमा राप्रपा खेद व्यक्त गर्दछ र सरकारको गम्भिर ध्यानाकर्षण गर्छ,’ उनले भने ।

Follow Up