साउनमै ९२ अर्ब राजस्व, विकास खर्च अझै सुस्त
वि.सं.२०८३ भदौ १ सोमवार १०:२७
962
shares
shares
चालु आर्थिक वर्ष २०८३/८४ को पहिलो महिनामा सरकारले ९२ अर्ब २२ करोड रुपैयाँ राजस्व संकलन गरेको छ। तर विकास निर्माणतर्फको पुँजीगत खर्च भने १३ अर्ब २८ करोड रुपैयाँमा सीमित भएको छ।
महालेखा नियन्त्रक कार्यालयका अनुसार साउन मसान्तसम्म कर राजस्व ८५ अर्ब १९ करोड र गैरकर राजस्व ७ अर्ब ३ करोड रुपैयाँ संकलन भएको छ। सरकारले चालु आर्थिक वर्षमा १५ खर्ब ८० अर्ब रुपैयाँभन्दा बढी राजस्व उठाउने लक्ष्य राखेको छ।
राजस्व संकलनले सुरुआती गति लिए पनि विकास खर्च अपेक्षित रूपमा अघि बढ्न नसक्दा बजेट कार्यान्वयनमा देखिँदै आएको पुरानै समस्या यस वर्ष पनि दोहोरिने संकेत देखिएको छ।
