काठमाडौं, २४ साउन । नेष्डो समृद्ध लघुवित्त वित्तीय संस्थामा नियम विपरित सिइओ रहेको पाइएको छ । संस्थाको सञ्चालक समितीको प्रबन्ध सञ्चालक रहेका विश्व प्रकाश प्रसाईंले नै एमडिको जिम्वेवारी सम्हालेका छन् ।

संस्थाको वेवसाइटमा समेत उनको फोटो नाम र पद म्यानेजमेन्ट टिम र बोर्ड अफ डिरेक्टर्समा रहेको छ ।

नेपाल राष्ट्र बैंकले केही समय अगाडि बैंक वित्तीय संस्थामा सुशासन कायम गर्न एक निर्देशन जारी गर्दै संस्थाको सञ्चालक समितीमा रहेको व्यक्ति व्यवस्थापन टिममा बस्न नपाउँने उल्लेख गरेको थियो । तर नेष्डो समृद्ध लघुवित्तले भने राष्ट्र बैंकको सो नियमलाई उल्लङ्घन गर्दै सञ्चालन समिती भएको व्यक्ति लाई नै व्यवस्थापन टिममा राखेको छ ।

एमडि प्रसाईं भने नेपाल राष्ट्र बैंकले निर्देशन जारी गरे तापनि बैंकको ऐन कानूनमा उक्त कुरा स्पष्ट नभएको दावी गर्छन् । ‘सञ्चालक समिति र व्यवस्थापनमा हुन पाउँदै नपाउँने होइन’ उनी भन्छन्,‘ राष्ट्र बैंकले जारी गरेको निर्देशनमा प्रवन्ध सञ्चालक सुशासनका दृष्टिले उपयुक्त मानिने छैन भनेको छ हुदैन भनेको छैन ।’ ऐनमा भएको व्यवस्था रहेको भन्दै उनले नियमावलीले उपयुक्त मानिने छैन भनेर घुमाउरो पारा गरेको कारण नै उनी व्यवस्थापन टिम र सञ्चालक समितिमा रहेको बताए ।

प्रसाईं संस्थाको कार्यकारी अध्यक्ष देखि सिइओ समेत भइसकेका छन् । राष्ट्र बैंकले लिखित रुपमा नै पद छाड्नु भन्ने हो भने आफु एक पद छाड्न समेत तयार रहने उनको भनाइ छ ।

लघुवित्त सुपरिवेक्षण विभिगका कार्यकारी निर्देशक रेवती नेपाल भने यस विषयमा आफु अपडेट नरहेको बताउँछन् । ‘असार मसान्तबाट उहाँको समय सकिएको हो अहिले के छ भन्ने कुरामा म अपडेट छैन ।’

Follow Up