काठमाडौं, १३ कार्तिक। एभरेष्ट बैंक लिमिटेडले ३१औं वार्षिक साधारण सभा मिति २०८२ साल कार्तिक १२ गते सम्पन्न गरेको छ । सभामा बैंकको आर्थिक वर्ष २०८१ ८२ को वार्षिक प्रतिवेदन तथा लेखापरीक्षकको प्रतिवेदन प्रस्तुत गरी पारित गरिएको छ ।

सभाले शेयरधनीहरूका लागि ६ प्रतिशत बोनस सेयर र १४.५ प्रतिशत नगद लाभांश (बोनस सेयरमा लाग्ने कर सहित) वितरण गर्ने प्रस्ताव पारित गरेको छ । यस निर्णयपछि बैंकका शेयरधनीहरूले उल्लेख्य लाभांश पाउने भएका छन्  ।

त्यस्तै, आगामी आर्थिक वर्ष २०८२ ८३ का लागि जी.पी. राजवाहक एण्ड कम्पनीलाई बैंकको लेखापरीक्षकमा नियुक्त गर्ने प्रस्ताव पनि सभाले सर्वसम्मत रूपमा स्वीकृत गरेको छ ।

एभरेष्ट बैंकले आफ्नो सेवा, पहुँच र ग्राहक सन्तुष्टिमा निरन्तर सुधार ल्याउँदै आएको बताउँदै, बैंकका प्रतिनिधिहरूले आगामी दिनमा पनि दिगो विकास र प्रभावकारी बैंकिङ सेवा प्रवाहमा केन्द्रित हुने प्रतिबद्धता व्यक्त गरेका छन् ।