काठमाडौं, २८ असार। अप्पर लोहोरे खोला हाइड्रोपावर कम्पनी लिमिटेडको २८ लाख ४६ हजार ५२५ कित्ता शेयरको लकइन आगामी मंसिर १३ गतेपछि सकिने भएको छ ।

कम्पनीको संस्थापकतर्फको २६ लाख कित्ता, आयोजना प्रभावित स्थानीयको २ लाख ६ हजार ७६० कित्ता र कर्मचारीतर्फको ३९ लाख ७६५ कित्ता शेयरको लकइन आगामी मंसिर १३ गतेपछि सकिने भएको हो । यी शेयर सर्वसाधारण शेयरधनीहरूमा आईपीओ बाँडफाँट भएको मितिले तीन वर्षसम्म लकइनमा राखिएको थियो । लकइन अवधि सकिएपछि सम्बन्धित शेयरधनीहरूले यो शेयर कारोबार गर्न सक्नेछन् ।

सञ्चालक तथा कर्मचारीको उच्च व्यवस्थापकीय पदमा कार्यरत कर्मचारीहरूको हकमा भने शेयर रोक्का नै रहने जानकारी कम्पनीले दिएको छ । दोस्रो बजारमा कम्पनीको कुल ५० लाख ९८ हजार ४० कित्ता शेयर सूचीकृत रहेकोमा उल्लेखित कित्ता बाहेक बाँकी शेयर भने कारोबार भैरहेका छन् । कम्पनीको शेयर मूल्य प्रतिकित्ता ३८४ रुपैयाँ ५० पैसा छ ।