काठमाडौं, १५ कार्तिक।डोल्पा कारागारबाट फरार भएका कैदीबन्दीबारे कुनै जानकारी भए नजिकको प्रहरी कार्यालयमा खबर गर्न कारागार कार्यालय डोल्पाले सर्वसाधारणसँग आग्रह गरेको छ ।

गत अक्टोबर ३१ (कात्तिक १४) गते कारागारबाट फरार भएका कैदीबन्दीलाई देखेमा वा उनीहरू रहेको स्थानबारे कुनै सूचना प्राप्त भएमा तत्काल प्रहरीलाई जानकारी गराउन कार्यालयले अनुरोध गरेको हो ।

कारागार कार्यालयले सूचना दिनका लागि प्रहरीको आपत्कालीन नम्बर १०० सहित विभिन्न सम्पर्क नम्बरसमेत सार्वजनिक गरेको छ ।

फरार कैदीबन्दीबारे जानकारी भए प्रहरीको १०० नम्बर, ०८७–५५००५६, ९८५८३९०५८६ वा ९८५८३०५५५५ मा सम्पर्क गर्न सकिनेछ ।

कारागारबाट फरार भएका कैदीबन्दीबारे सूचना प्राप्त भएमा नजिकको प्रहरी कार्यालयमा समेत जानकारी गराउन कार्यालयले सर्वसाधारणलाई आग्रह गरेको छ ।