एनआरएन इन्फ्रास्ट्रक्चरको सीईओमा फुँयाल नियुक्त
वि.सं.२०८२ कात्तिक १९ बुधवार १०:४९
3.19K
shares
shares
काठमाडौं, १९ कात्तिक । एनआरएन इन्फ्रास्ट्रक्चर एण्ड डेभलपमेन्ट लिमिटेडको नयाँ प्रमुख कार्यकारी अधिकृत (सीईओ)मा निरञ्जन फुँयाल नियुक्त भएका छन् । कात्तिक १९ गते सञ्चालक समिति बैठकको निर्णय अनुसार फुँयाललाई आजकै मितिदेखि लागू हुने गरी चार वर्षका लागि सीईओ पदमा नियुक्त गरिएको हो ।
फुँयाल हालसम्म नेपाल स्टक एक्सचेञ्ज (नेप्से) मा कार्यरत कामु नायब प्रमुख कार्यकारी अधिकृतको भूमिकामा रहँदै आएका थिए। उनले सो पदबाट राजीनामा दिई एनआरएन इन्फ्रास्ट्रक्चर एण्ड डेभलपमेन्ट लिमिटेडको नेतृत्व सम्हाल्न लागेका हुन्।
यस अघि एनआरएन इन्फ्रास्ट्रक्चर एन्ड डेभलपमेन्ट कम्पनीको सीइओ हेमन्त बस्याल थिए । बस्याललाई भने हाल सरकारले नेप्सेको अध्यक्ष नियुक्त गरेको छ।
