आज साँझदेखि सिडीएसको सम्पूर्ण सेवा बन्द
वि.सं.२०७९ भदौ २ बिहीवार १२:३०
4.8K
shares
shares
काठमाडौं, २ भदौ । सिडीएस एण्ड क्लियरिङ (सिडीएससी) ले संचालन गरेको मेरो शेयरको वेबसाइट आज साँझदेखि बन्द हुने भएको छ । सिडीएससीले एक सूचना जारी गरेर बिहीबार साँझ साढे ५ बजेदेखि एक दिनका लागि सम्पूर्ण सेवा बन्द हुने जनाएको हो ।
सिंहदरबारमा रहेको राष्ट्रिय सूचना प्रविधि केन्द्रमा रहेको डाटा सेन्टरमा जडान गरेका उपकरणहरु नयाँ सर्भर र्याकमा स्थानान्तरण गर्नु पर्ने भएकाले सेवा बन्द गर्न लागिएको सूचनामा उल्लेख गरिएको छ । सूचनामा जनाइए अनुसार सिडीएससीले संचालक गरेका मेरो शेयर, सि–आस्वा, वेब सिडीएएस, सिएनएस लगायतका सम्पूर्ण सेवाहरु एक दिनका लागि बन्द हुने भएका छन् ।
