काठमाडौं, १७ चैत । नेपाल स्टक एक्सचेञ्ज (नेप्से) मा मंगलबार ६ वटा कम्पनीका बोनस शेयर सूचीकृत भएका छन्। लाभांशस्वरूप वितरण गरिएका ती शेयर सम्बन्धित कम्पनीहरूले गत आर्थिक वर्षको नाफाबाट आफ्ना शेयरधनीलाई प्रदान गरेका हुन्।

सूचीकृत हुने कम्पनीहरूमा अरुण भ्याली हाइड्रोपावर, महालक्ष्मी विकास बैंक, महुली लघुवित्त, प्राइम कमर्सियल बैंक, सांग्रिला विकास बैंक र समता घरेलु लघुवित्त रहेका छन्।

नेप्सेका अनुसार अरुण भ्याली हाइड्रोपावर ले १९ लाख २४ हजार १ कित्ता बोनस शेयर सूचीकृत गराएको छ, जुन गत वर्षको मुनाफाबाट ५ प्रतिशत बोनसका रूपमा वितरण गरिएको हो। यस्तै, महालक्ष्मी विकास बैंक को २१ लाख ४८ हजार २२९ कित्ता (५ प्रतिशत बोनस) र महुली लघुवित्त को १ लाख ७५ हजार ७१३ कित्ता (४.७५ प्रतिशत बोनस) शेयर पनि सूचीकृत भएका छन्।

त्यसैगरी, प्राइम कमर्सियल बैंक ले १ करोड ५५ लाख २२ हजार ६० कित्ता बोनस शेयर (८ प्रतिशत) सूचीकृत गराएको छ। सांग्रिला विकास बैंक को १७ लाख ७८ हजार १२७ कित्ता (५ प्रतिशत बोनस) र समता घरेलु लघुवित्त को ३ लाख १४ हजार ५२५ कित्ता (५ प्रतिशत बोनस) शेयर पनि नेप्सेमा सूचीकृत भएका छन्।

सूचीकृत भएका यी बोनस शेयर सम्बन्धित कम्पनीका सेयरधनीहरूको हितग्राही खातामा जम्मा भएपछि दोस्रो बजारमा कारोबार गर्न सकिनेछ।