काठमाडौं, ९ कात्तिक । आइतवार शेयर बजार सामान्य अंकले बढेको छ । शेयर बजार ५.१९ अंकले बढेर २,५०५ बिन्दुमा कायम भएको छ ।

शेयर बजारमा ९८ कम्पनीको शेयर मूल्य बढेको छ भने १४६ कम्पनीको शेयर मूल्य घटेको छ भने ४ कम्पनीको शेयर मुल्य स्थिर रहेको छ । यसदिन २ अर्ब ६६ करोडको कारोबार भएको हो ।

सामान्य अंकले बढेको शेयर बजारमा १०.७५ प्रतिशत एसबिएल ऋणपत्र २०८९का लगानीकर्ताले सर्वाधिक कमाएका छन् । उक्त कम्पनीको शेयर मूल्य १० प्रतिशतका दरले कमाएका छन् ।

यसदिन समता घरेलु लघुवित्तका लगानीकर्ताले ८.८९ प्रतिशतका दरले कमाएका छन् भने हिमालयन पावर पार्टनरका लगानीकर्ताले ७.६३ प्रतिशतका दरले कमाएका छन् ।

त्यसैगरी, नेपाल रिइन्स्योरेन्सका लगानीकर्ताले ७.१० प्रतिशतका दरले कमाएका छन् भने महिला लघुवित्तका लगानीकर्ताले ६.०५ प्रतिशतका दरले कमाएका छन् ।