काठमाडौं, ३ असोज । जस्तो नाम त्यस्तै काम भने जस्ते नेरुडे मिर्मिरे लघुवित्त वित्तीय संस्थाका कामू प्रमुख कार्यकारी अधिकृत भागनारायण साहुले जिम्बेवारीबाट भाग्ने तयारी गरेका छन् । संस्थामा सञ्चालकदेखि तल कर्मचारीहरु समेतले काम गर्न नदिने भन्दै उनी जिम्बेवारीबाट भाग्न खोजेका हुन् ।

संस्थाका तत्कालीन सीईओ भोजराज बस्यालको कार्यकाल सकिएपछि उनी कामू सीईओ बनेका थिए । उनले बल गरेको अवस्थामा सीईओ नै हुने अवस्था भए पनि उनले नेतृत्व गर्न नसक्ने भन्दै संस्थाका सञ्चालक टेकबहादुर बोहरा लगायतलाई जानकारी गराइसकेका छन् ।

कामू सीईओ साहुले नै अहिले बिर्खबहादुर बोहरालाई कामूको पनि कामू दिएर गृह जिल्ला तिर लागेका छन् । गृह जिल्ला जानुको कारण भने फेरि यहाँको बिवाद होइन । साहुकी श्रीमती एक पालिकाकी उपप्रमुख हुन् । जेनजी आन्दोलनका क्रममा उनको घरमा समेत क्षति पुगेपछि बोहरालाई कामू दिएर उनी तराईमा रहेको घरमा पुगेका छन् ।

Follow Up