ठगी काण्डमा मुछिएको सुपर लघुवित्तबाट बाहिरिए कामू सीईओ निरौला
वि.सं.२०७९ साउन २० शुक्रवार १३:०५
3.28K
shares
shares
काठमाडौं, २० साउन । सुपर लघुवित्त वित्तीय संस्थाको कायमुकामय प्रमुख कार्यकारी अधिकृतको जिम्बेवारी सम्हाल्दै आएका मधुसुदन निरौलाले पदबाट राजीनामा दिएका छन् । निरौलाले सञ्चालक समिति अध्यक्ष किरण चौधरीलाई सम्वोधन गर्दै राजीनामा पेश गरेका हुन् ।
उनको राजीनामा संस्थामा दर्ता भएको छ । अध्यक्ष चौधरी भने २५ करोड रुपैयाँ अनियमितता गरेको आरोपमा फरार अभियुक्त हुन् । करोडौं रुपैयाँ घोटाला भएको भन्दै नेपाल राष्ट्र बैंकले प्रहरीलाई कारबाहीका लागि अनुरोध गरेको थियो ।
प्रहरीले संस्थाका तत्कालिन कामू सीईओ बुद्धिराम चौधरी सहितका कर्मचारीहरुलाई पक्राउ समेत गरेको थियो । धरौटी बुझाएर केही दिन अघि प्रहरी हिरासतबाट छुटेका चौधरीले आफै कामू सीईओ भएको भन्दै संस्थाका अन्य कर्मचारीहरुलाई अभद्र व्यवहार गरेका थिए । चौधरीको अभ्र व्यवहार पछि निरौलाले राजीनामा दिएका हुन् । अन्य इमान्दार कर्मचारीहरुले समेत संस्था धमाधम छाड्न थालेका छन् ।
Follow Up
