श्रीले किन्यो २ सेकेण्ड ह्याण्ड जहाज, समाधान होला त ‘डिले’ को समस्या ?
वि.सं.२०८० चैत १३ मंगलवार १४:१८
3.14K
shares
shares
पुरानाे तस्वीर
काठमाडौं । काठमाडौंबाट आन्तरिक उडान भरिरहेको श्री एयरलाइन्सले २ वटा सेकेण्डह्याण्ड जहाज किनेको छ । दुई अमेरिकी कम्पनीहरुले उडाइरहेको जहाज श्रीले किनेर काठमाडौं ल्याएको हो ।
श्री एयरका अनुसार अमेरिकाको होराइजन एयर र अलास्का एयरले उडाइरहेका २ सेकेण्ड ह्याण्ड जहाज किनेर ल्याइएको हो । दुबै जहाजको सिट क्षमता ८० रहेको छ । श्रीका अनुसार नाइनएन–एओके र नाइनएन–एओएल जहाज क्यानडामा निर्माण भएका हुन् ।
श्री एयरले जहाज डिले (तोकिएको समयमा नउड्ने) काममा रेकर्ड नै राखेको छ । सम्भवतः नेपालको सबैभन्दा बढी डिले हुने जहाज नै श्री एयरलाइन्सको हो । आफूहरुसँग जहाजको संख्या कम हुँदा डिलेको समस्या धेरै देखिदै आएको श्रीले नै स्वीकार गर्दै आएको थियो । अहिले काठमाडौं विमानस्थलमा ट्रफिकका कारण पनि धेरै जहाजहरु डिले हुने गरेका छन् । सबैभन्दा धेरै जहाज संख्या भएको बुद्धको जहाज ३० मिनेट डिला हुँदा श्रीको जहाज ३ घण्टासम्म डिले हुने गरेको थियो ।
‘बुद्धका धेरै जहाज छन्, फ्लाइटहरु धेरै हुने भइहाले’ श्रीका एक उच्च तहका कर्मचारी भन्छन्, ‘बुद्धको १२ बजे उड्ने भनेको जहाज नउड्दा १ बजेको अर्को फ्लाइटमा हाल्छ, हाम्रो फ्लाइट थोरै भएकाले बुद्धको जस्तो अर्को फ्लाइटमा हाल्न पनि मिल्दैन थियो ।’ जहाज थप गरेपछि विद्यमान समस्या पुरै समाधान नभएपनि केही हदसम्म समाधान हुने उनले दावी गरे ।
Follow Up
