ब्राउनसुगरसहित दुईजना पक्राउ
वि.सं.२०८१ असार ७ शुक्रवार १५:२०
3.67K
shares
shares
काठमाडौं, ७ असार । झापामा ब्राउनसुगरसहित दुईजनालाई प्रहरीले पक्राउ गरेको छ । झापा गाउँपालिका– १ स्थित इलाका प्रहरी कार्यालय कुमरखोदबाट खटिएको प्रहरी टोलीले भारतबाट नेपालतर्फ साइकलमा आउँदै गरेका दुईजनालाई पक्राउ गरेको हो ।
पक्राउ पर्नेमा भारत घर भएका ४० वर्षीय जुलमात हुसेन र साइकलको पछाडि बस्ने वर्ष २० वर्षीय तोसिफ आलम छन् । प्रहरीलाई शंका लागेपछि चेकजाँच गर्दा उनीहरुको साथबाट लागुऔषध ब्राउनसुगर १७ ग्राम २२० मिलिग्राम फेला परेकोले नियन्त्रणमा लिई अनुसन्धान गरिएको प्रहरी नायब उपरीक्षक कृष्णकुमार चन्दले जानकारी दिए ।
