काठमाडौं, १६ भदौ । केटिएम भ्वाईसले बैंकिङ साक्षरताका विभिन्न विषयमा कुरा गर्दै आएको छ । आजको श्रीङ्खलामा पारिवारिक बजेटको विषयमा केही कुरा गर्ने प्रयास गरेका छौँ ।

सरकारले प्रत्येक आर्थिक वर्षमा देशको लागि बजेट बनाउँछ । देशको बजेट सरकारले बनाए जस्तै गरी हामीले आफ्नो पारिवारिक बजेट पनि निर्माण गर्न सक्छौँ । बजेट भनेको निश्चित समयको लागि अनुमानित आम्दानी र खर्चको विवरण हो । बजेटको लागि खर्चको पहिचान र खर्च गर्ने तरिका राम्रोसँग बुझ्न एकदमै महत्वपूर्ण छ ।

परिवारमा बनाइने आम्दानी र खर्चको अनुमानित विवरणलाई पारिवारिक बजेट भनिन्छ । पारिवारिक बजेटले परिवारभित्रको आम्दानीका स्रोतहरूको राम्रोसँग उपयोग गर्न र खर्चलाई व्यवस्थित एवं आवश्यकताका आधारमा खर्च गर्न सहयोग गर्दछ ।

परिवारिक बजेट किन चाहिन्छ ?
निम्नकारणले पारिवारिक बजेटको आवश्यकता पर्दछ ।
१, आम्दानी र खर्च के कति छ भनेर अनुमान गर्न ।
२, सावधानीपूर्वक खर्च गर्न प्रोत्साहन गर्न ।
३, चुस्त, दुरुस्त तरिकाले पैसा व्यवस्थापन गर्न सहयोग गर्न ।
४, भविष्यको लक्ष्य निर्धारण गर्न सहज पार्न ।

पारिवारिक बजेट कसरी बनाउने ?

१, आफ्नो वित्तीय लक्ष्य पत्ता लगाउने ।
२, आम्दानीको स्रोत अनुसार आम्दानीको हिसाबकिताब गर्ने ।
३, आफूले कति बचत गर्न सकिन्छ त्यसको निर्धारण गर्ने ।
,४ खर्च सूचीकृत गर्ने र खर्चको प्राथमिकीकरण गर्दै खर्च हुने रकम पत्ता लगाउने ।
५, आम्दानीभन्दा खर्च कम नै छ भनेर आफू निश्चिन्त हुने ।
६, आम्दानी र खर्चको पुनरावलोकन गर्दै आफूअगाडि बढ्ने ।

Follow Up