काठमाडौं, २९ माघ । २० वाणिज्य बैंकहरुमध्ये १६ बैंकहरुले ब्याजदर घटाएका छन् । हिमालयन, एभरेष्ट, लक्ष्मी सनराइज र माछापुच्छ्रे बैंकले भने माघ महिनाको ब्याजदर फागुनमा पनि निरन्तर कायम गरेका छन् ।

सबैभन्दा बढी ब्याजदर सिटिजन्स बैंकले घटाएको छ भने सबैभन्दा कम एनआईसी एशियाले घटाएको छ । सिटिजन्सले माघ महिनामा व्यक्तिगत मुद्दतिमा ९.१५ प्रतिशत ब्याज दिएको यस बैंकले फागुन महिनामा अधिकतममा ८.२५ प्रतिशत ब्याज दिने भएको छ । बैंकले व्यक्तिगत मुद्दति निक्षेपको ब्याजदर ०.९० प्रतिशतविन्दु घटाएको छ संथागतमा ०.४५ प्रतिशतले घटाएको छ ।

एनआईसी एशियाले माघ महिनामा व्यक्तिगत मुद्दतिमा ८.०६५ प्रतिशत ब्याज दिएको यस बैंकले फागुन महिनामा अधिकतममा ८ प्रतिशत ब्याज दिने भएको छ । बैंकले व्यक्तिगत मुद्दति निक्षेपको ब्याजदर ०.०६५ प्रतिशतविन्दु घटाएको छ संथागतमा ०.०६५ प्रतिशतले घटाएको छ ।

बैंकहरुको माघ महिनामा ८.१६ प्रतिशत रहेको व्यक्तिगत मुद्दती निक्षेपमा औषत ०.४० प्रतिशतले घटाएर ७.७५ प्रतिशतविन्दु काएम भएको छ । संस्थागत मुद्दति निक्षेपमा पनि बैंकहरुको औषत ब्याजदर ०.३७५३ प्रतिशतविन्दु घटेको छ ।

कुन बैंकको कति ब्याजदर ?