काठमाडौं, २३ जेठ । सामान्यअर्थमा भन्नुपर्दा व्याजको न्यूनतम र अधिकतम दरको सीमा नै व्याजदर करिडोर हो । यो व्याजदरमा स्थायित्ब ल्याउने एक मौद्रिक उपकरण हो । करिडोर लागु भएपछि कुनै निश्चित सीमाभन्दा माथि र तल ब्याजदर जाँदैन भन्ने ग्यारेन्टी हुन्छ ।

कहिलेकाही छोटो अवधिमा ब्याजदरमा उतारचढाव हुन सक्छ यस्तो बेला लगानीकर्ता र निक्षेपकर्तामा नराम्रो असर पर्ने हुँदा यसलाई कम गरी सन्तुलनमा राख्न ब्याजदर करीडोरले महत्वपूर्ण भूमिका खेल्छ । यसरी ब्याजदरमा स्थायित्व हुँदा अर्थतन्त्रमा पनि स्थायीत्व कायम रहन्छ ।

करिडोरले जनतालाई के फाइदा गर्छ ?
निक्षेपकर्ताले सँधै बढी ब्याज खोज्छन् भने ऋणीले स्वभावैले न्यून व्याज खोज्छन् । त्यसैले ब्याजदर बढ्दा निक्षेपकर्ताहरु उत्साहित हुन्छन् भने ऋणीहरु निरुत्साहित हुन्छन् ।

त्यसैले दुवैलाई सन्तुलित गर्नेगरी राष्ट्र बैंकले नीति अबलम्बन गर्नुपर्छ । केही वर्षयता ब्याजदर न्यून हुँदा निक्षेपकर्ताहरु निरुत्साहित भएका छन् । यस्तो अवस्थामा संसारभरका केन्द्रिय बैंकहरुले करिडोरमार्फत ब्याजदर स्थिर राख्ने गर्दछ ।

ब्याजदर निश्चित दायरामा भएन भने अर्थतन्त्रमा ठूलो नोक्सनी हुन्छ । त्यसैले, करिडोर लागू भएपछि, निक्षेपकर्ता, ऋणी र अर्थतन्त्र सबैलाई फाइदा पुग्छ ।

Follow Up